သင်္ကြန်လက်ဆောင်
သင်္ကြန်တော်ခါတန်ခူးမို့
မိုးဖြောက်ဖြောက်ရွာ။
ကိုယ်တို့ဆီမှာ၊ ရွာပါစမေး။
မရွာလျှင် ရွှေလွန်ပွဲကို
နွှဲလိုက်ပါလေး။
ငွေမိုးရေ ချိုချိုသောက်လို့
ပိတောက်က ပင်ပေါ်မှာ
ဝင်းထိန်လို့ဝါ။
ကိုယ်တို့ဆီမှာ၊ ဝါပါစမေး။
မဝါလျှင် ရွှေတွေပိန်းအောင်
လိမ်းလိုက်ပါလေး။
ပိတောက်တွေ ရွှေဝါလူးတော့
ရွာဦးက ညံစာစာ
မောင်း ဗုံကသာ။
ကိုယ်တို့ဆီမှာ၊ သာပါစမေး။
မသာလျှင် ဗုံသမားကို
အားကူပါ့လေး။
ငွေမိုးရေ ချိုချိုသောက်လို့
ပိတောက်က ရွှေမျက်နှာ
မောင်း ဗုံကသာ။
ကိုယ်တို့ဆီမှာ၊ မာပါစမေး။
မောင်မာအောင် စေတီဦးက
မယ်မာအောင် စေတီဦးက
နှစ်ကူးချိန် တာရေသွန်း
လွမ်းပါ့မယ်လေး။ ။
ဇော်ဂျီ
CREDIT: Art For Soul