မြန်မာ စာပေလောကရဲ့ စာပေထုတ်ဝေခွင့် မှတ်ပုံတင်ဌာနအကြောင်း
မြန်မာ စာပေလောကရဲ့ အဓိပတိ မီးရှူးတန်ဆောင်ကြီး တစ်ဆူဖြစ်တဲ့ စာရေးဆရာကြီး ရွှေဥဒေါင်း ကွယ်လွန်သွားပြီး မကြာခင်မှာ ဆရာကြီးကတော် ဒေါ်ကြီးစိုးက စာပေ ထုတ်ဝေရေး မှတ်ပုံတင် လျှောက်ဖို့ ကြိုးစားရှာပါတယ်။ ဒီတော့ စာပေထုတ်ဝေရေး မှတ်ပုံတင်ဌာနက ဆရာကြီးကဝောာ် ဒေါ်ကြီးစိုးကို #ဆရာကြီးရွှေဥဒေါင်းဟာစာရေးဆရာတစ်ယောက်ဖြစ်တဲ့အကြောင်းသက်ေသပြေရမယ်လို့ တောင်းဆိုပါသတဲ့ဗျာ။ ရွှေဥဒေါင်းဆိုတာ အလွန်နာမည်ကြီးတဲ့ စာရေးဆရာကြီး ဖြစ်တယ်ဆိုတာ ကိုတောင် မသိတဲ့ သူကို စာပေထုတ်ဝေခွင့် မှတ်ပုံတင်ဌာနမှာ တာဝန်ပေးထားမိတဲ့ ပြဿနာပါပဲ။ ဗိုလ်ချုပ်နေဝင်းကို မြန်မာနိုင်ငံရဲ့ စစ်သေနာပတိချုပ်ဖြစ်ကြောင်း သက်သေပြပါလို့ ထောက်ခံစာ သွားတောင်း မနေတာ ကံကောင်း လို့ ပြောရမလို ဖြစ်နေပါတယ်။
နောက်တစ်ခါကတော့ မှော်ဘီဆရာသိန်းကြီးရဲ့ စာမူတစ်ခုကို ဆင်ဆာက မကျေနပ်တဲ့အခါ မှာ ထုတ်ဝေရေးသွားတင်တဲ့သူကို #မှော်ဘီဆိုတာသိပ်မဝေးပါဘူးဗျာ #ကျုပ်တို့မေးစရာလေးရှိလို့အဲ့ဒီမှောိဘီဆရာသိန်းကြီးတိုတဲ့စာရေးဆရာကိုခေါ်ခဲ့ပါလို့ပြောပါသတဲ့။မှော်ဘီဆရာသိန်းကြီးကိုတောင် မသိတဲ့သူနဲ့ သွားတိုးပြန်တာပါပဲ။ #ပီမိုးနင်းဆိုတာအားဆေးတစ်မျိုးလို့ထင်နေတဲ့သူတွေရှိနေမယ့်ပုံပါပဲ။
မြန်မာသိ ကမ္ဘာသိ ပန်းချီဆရာကြီး ပေါ်ဦးသက်ကိစ္စကျတော့ အထွတ်အထိပ်ကို ရောက်တော့တာပါခင်ဗျာ။ ဆရာပေါ်ဦးသက်ကလည်း စာပေထုတ်ဝေခွင့်လျှောက်တဲ့ ကိစ္စပါပဲ။ ပေါဦးသက်က သူကိုယ်တိုင် လေ့လာ ဆည်းပူးထားတဲ့ ပန်းချီ ပညာတွေကို ရှင်းလင်းချက် သရုပ်ပြ ပန်းချီပုံတွေနဲ့ သပ်သပ်ရပ်ရပ် ကျကျနန ထုတ်ဝေချင်တာကိုး။ ဒီတော့ ကိုယ်တိုင် စာအုပ်ထုတ်ဝေခွင့် မှတ်ပုံတင် လိုတော့တာပေါ့။ ဒါပေမယ့် အတွေ့ကြုံရှိတဲ့ မိတ်ဆွေတွေက သွားမလျောက်လေနဲ့၊ ဒီကိစ္စတွေက အတော်ကလေးရှုပ်တာ၊ ခင်းဗျားတို့လို ရိုးရိုးအအကြီးတွေနဲ့မလွယ်ဘူးလို့ပြောကြတာနဲ့ ပေါ်ဦးသက်လည်း အသာငြိမ်နေခဲ့တာပါ။
ဒါပေမယ့် စစ်တပ်ထဲမှာလည်း ပေါ်ဦးသက်ကို လေးစားခင်မင်ကြတဲ့ အရာရှိတွေကလည်း ရှိနေလေဝော့ သူတို့အနေနဲ့ ပေါ်ဦးသက် ထုတ်ဝေချင်တဲ့ ပန်းချီ ပညာပေးစာအုပ်တွေ ထွက်လာမယ့်ကိစ္စကို သိပ်မျှော်လင့်ကြတယ်မို့လား။ သူတို့က ဝိုင်းပြီး တိုက်တွန်းကြတာပေါါ။ တခြားသူတွေအဖို့ ခက်ခဲတယ်ဆိုပေမဲ့ ပေါ်ဦးသက်လို မြန်မာ့ဂုဏ်ဆောင် အနုပညာသည် တစ်ဦး အနေနဲ့ကတော့ ပြဿနာမရှိပါဘူး ဘာညာနဲ့ တိုက်တွန်းကြတော့တာပေါ့။ ဒါနဲ့ပဲ ပေါ်ဦးသက်က သူ့ကိုယ်ပိုင်စာအုပ် ထုတ်ဝေရေး မှတ်ပုံတင်ကို ကိုယ်တိုင်ကိုယ်ကျ သက်ဆိုင်ရာရုံးကို သွားပြီး လျှောက်ပါတော့တယ်။ ထုံးစံအတိုင်း လိုအပ်တဲ့ ပန်းချီပန်းပု ကောင်စီ ထောက်ခံစာ ဘာညာတွေအားလုံးပါတာပေါ့။
ဆရာကြီးရွှေဥဒေါင်းကတော်၊ ဒေါ်ကြီးစိုးလိုပါပဲ ဒါပေမဲ့ ဆရာကြီး ဉွှေဥဒေါင်းတုန်းကလ်ု သူ့ကိုလည်း ပန်းချီဆရာကြီး ဖြစ်ကြောင်း သက်သေပြပါတဲ့။ ပေါ်ဦးသက်ကလည်း ဆရာကြီးကတော် ဒေါ်ကြီးစိုးရဲ့ပုံပြင်ကို ကြားဖူးထားပြီးသားပါ။ မအံ့ဩပါဘူး။ မတုန်လှုပ်ပါဘူး။ သူ ပန်းချီဆရာဖြစ်ကြောင်း သက်သေပြရမယ်ဆိုရင် ချက်ချင်းပဲပြပါ့မယ်။အလွယ်ဆုံးနဲ့ အရှင်းဆုံးက အဲ့ဒီ စာအုပ်ထုတ်ဝေရေး မှတ်ပုံတင် အရာရှိကြီးရဲ့ ပုံတူကို တစ်ထိုင်တည်း ဆွဲပြလိုက်ပါသတဲ့။
ပေါ်ဦးသက်ဆိုတာ သံအမတ်ကြီးတွေရဲ့ပုံကစပြီး ပုဂ္ဂိုလ်ကြီးပေါင်း အမြောက်အမြားရဲ့ ပုံတူပေါင်းများစွာကို ရေးဆွဲခဲ့တဲ့ နာမည်ကျော်ပုံတူ ပန်းချီဆရာကြီးပေပဲ။ တိုတိုပဲပြောကြပါစို့။ အဲ့ဒီ မှတ်ပုံတင် အရာရှိကြီးရဲ့ပုံကို ခဲနဲ့တောင်ရှာမနေပါဘူး။ သူ့အိတ်ထဲမှာ အသင့်ပါလာတဲ့ ပန်းချီရေးတဲ့ ဖောင်တိန်နဲ့ ငါးမိနစ်အတွင်း ပြီးအောင်ဆွဲပြလိုက်ပါသတဲ့။ အတော်ကြီးကိုတူလို့ အဲဒီရုံးကဝန်ထမ်းတွေတောင် အံ့ဩချီးမွမ်းကြသတဲ့။ ဒါပေမယ့် အရာရှိကြီးကတော့ ပေါ်ဦးသက်ဆွဲတဲ့ သူ့ပုံတူကိုကြည့်ပြီး ဒါလောက်ကတော့ လူတိုင်းဆွဲတတ်တာပေါ့လို့ ပြောပါသတဲ့ဗျာ။ ဇာတ်ပေါင်းလိုက်တော့ ပေါ်ဦးသက်အလွန် စိတ်ဓာတ်ကျသွားပြီး မှတ်ပုံတင်ခွင့်ဘမလျှောက်တော့ပါဘူးတဲ့။#အကျိုးကတော့ပေါ်ဦးသက်ရဲ့ပန်းချီရေးနည်းစာအုပ်တွေထွက်မလာတော့တာပါပဲ။
ပေါ်ဦးသက်ကပြောပါတယ်။ သူ တွေ့ခဲ့ရတဲ့ အဲ့ဒီအရာရှိကြီးဆိုတာဟာ တကယ့်ကို ပန်းချီအကြောင်း မသိရှာတာပါတဲ့။ သူ့ပုံ တူတာ မတူတာကိုလည်း မသိပါဘူးတဲ့။ ပန်းချီအနုပညာရဲ့ အတိမ်အနက်ကိုလည်း ရိုးရိုးသားသားကို နားမလည်ရှာတာပါတဲ့။ ပန်းချီဆရာ ပေါ်ဦးသက်ကတော့ ရိုးရိုးသားသားပဲ အဲ့ဒီအရာရှိကြီးကို နားလည် ခွင့်လွှတ်သွားရှာပါတယ်။ ကြားထဲကနေပြီး ဒီပုံပြင်အကြောင်း ကြားရတဲ့လူတွေကတော့ ခေတ်နဲ့ စနစ်ကို ကျိန်ဆဲကြတော့တာပေါ့။သူတို့မှာလည်း အပြစ်မရှိပါဘူးခင်ဗျာ။
ကျန်းမာ ချမ်းသာကြပါစေ ကျွှန်တော် ဝင်းဖေ ပါ။