နှမငယ်သွေးကျေးလက်တေး
အစ်ကိုကအသံကောင်းတယ်
ညီမကဆံပင်ကောင်းတယ်
အစ်ကိုကလက်ရေးလှတယ်
ညီမကမျက်၀န်းလှတယ်
အကိုက စီးတဲ့ကဗျာ
ညီမက ဖြာတဲ့ သီချင်း
အစ်ကိုက ညခင်းကြီးဆိုတော့
ညီမက လမင်းသမီးပေါ့
ကိုယ့်ဘ၀ရဲ့
ကြယ်လိုစင်နေတဲ့ ကြယ်စင်လေး
ကိုယ့်ဘ၀ရဲ့
လေလိုရူးနေတဲ့ လေရူးလေး
ကိုယ့်ဘ၀ရဲ့
ရေလိုကြည်နေတဲ့ ရေကြည်လေး
ကိုယ့်ဘ၀ရဲ့
ပန်းလိုမှုန်နေတဲ့ ပန်းမှုန်လေး
အခု
ညီမက ကိုယ်ပူတော့
အစ်ကို့မှာစိတ်ပူရ
ညီမက နေမကောင်းတော့
အစ်ကို့မှာစိတ်မကောင်းရ
ညီမ ငိုတဲ့အခါ
ချော့နေတဲ့အစ်ကို့ရင်မှာငိုတာပဲ
ညီမ ပျော်တဲ့အခါ
တည်နေတဲ့အစ်ကို့ရင်မှာရယ်တာပဲ
ကဗျာကညီမ ဆို ဂီတကအစ်ကို
ညီမ က ရင် အစ်ကို ဆိုမှာပေါ့
နှမငယ်သွေးကျေးလက်တေး
ပါးပြင်မှာတင်ထားတဲ့သနပ်ခါးလို
ညီနေမှပေါ့ညီမရယ်
တကယ်
ဒီဘ၀မှာလည်း
ညီမ ပါပဲ
နောင်ဘ၀မှာလည်း
မောင်နှမပါပဲ ညီမလေး ရယ်။ ။
ဝိုင်ချို
(22-3-2014)
Artist - Paw Oo Thet